Jasir Asani e Kristjan Asllani kanë shënuar dy prej tre golave më të mirë në kualifikimet për Euro 2024.
UEFA të premten publikoi tre golat që janë zgjedhur më të mirët e kualifikimeve, sipas votave të publikut.
Ekspertët e UEFA-s kishin përzgjedhur dhjetë golat më të mirë, ndërsa votat e lexueseve kanë vendosur për golin më të mirë.
Goli më i mirë u vlerësua ai i Askhat Tagybergen të Kazakistanit.
Goli i Jasir Asanit në fitoren 2:0 të Shqipërisë ndaj Polonisë u shpall i dyti më i miri.
Ndërsa goli i Kristjan Asllanit në fitoren 3:1 të Shqipërisë ndaj Ishujve Foroe, sipas votave është goli i tretë më i mirë i kualifikimeve.
