Berat Gjimshiti ka vazhduar kontratën me Atalantan. Mbrojtësi shqiptar ka bërë të ditur në rrjetet sociale se do të mbetet në Bergamo deri në vitin 2026.
“Jam shumë i lumtur dhe krenar që kam vazhduar kontratën me Atalantan. Mezi pres të kem shumë momente të suksesshme me këtë klub”, deklaroi Gjimshiti.
29-vjeçari është një ndër lojtarët kryesorë këtë edicion tek Atalanta. Ai është pjesë e formacionit bazë të klubit nga Serie A.
Në 33 paraqitje në të gjitha garat, Gjimshiti ka dy gola e një asistim deri më tani. Gjimshiti është pjesë e Atalantas që nga viti 2016 kur u transferua nga Zurichu.
