Kapiteni Enis Bardhi, Visar Musliu, Ezgjan Alioski, Agon Elezi, Erdon Daci e Lirim Qamili janë gjashtë futbollistët shqiptarë të përfshirë në listën e selektorit të Maqedonisë së Veriut, Blagoja Milevski për miqësoret e këtij muaji.
Sulmuesi Qamili që bën karrierë te skuadra elitare e Danimarkës, Hvidovre, është ftuar për herë të parë te Maqedonia e Veriut. Lista e lojtarëve të ftuar u publikua të enjten. Milevski ka ftuar 28 futbollistë, ndërsa Maqedonia e Veriut do t’i luajë dy ndeshje miqësore, me Moldavinë dhe Malin e Zi. Të dy miqësoret do të zhvillohen në Antalia të Turqisë. Miqësoren e parë e luan më 22 mars kundër Moldavisë, kurse pas tri ditësh ndaj Malit të Zi.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo