Futbollistet e Kosovës U17 e kanë nisur me humbje të thellë fazën e finale të kualifikimeve për Evropianin “Suedia 2024”. “Dardanet” e reja të mërkurën kanë pësuar me rezultat të thellë 5:0 nga Finlanda.
Turneu i Grupit 2 të Ligës A zhvillohet në Portugali. Në grup me Kosovën janë Portugalia, Finlanda dhe Islanda.
Përfaqësuesen U17 e drejton Sanije Krasniqi.
Për Finlandën shkëlqeu Jelena Todoshchenko, e cila shënoi tri gola përballë futbollisteve të Kosovës. Ajo ishte shënuesja e golit të parë. Realizoi në minutën e 7-të. Më pas Laura Oksanen realizoi golin e dytë në minutën e 49-të. Todoshchenko më pas realizoi edhe dy gola, fillimisht në minutën e 71-të për 3:0, kurse “hat-trickun” e kompletoi pesë minuta më vonë. Golin e pestë e realizoi Bella Aalto në minutën e 77-të.
Kosova do t’i ketë edhe dy ndeshje tjera. Ndeshjen e dytë e luan të shtunën ndaj Portugalisë, kurse të fundit kundër Islandës më 27 shkurt.
Edhe
Kosova U17 pëson disfatë edhe nga Portugalia
Shtatë përfaqësueset e Ligës A do t’i bashkohen Suedisë në turneun final të Evropianit, që mbahet prej 5 deri më 18 maj, derisa skuadrat e fundit në grupe në edicionin e ardhshëm do të garojnë në Ligën B.
Kosova në këtë turne kualifikues po paraqitet me 13 lojtare nga kampionati i Kosovës. Shtatë janë nga klube të ndryshme evropiane.
