Komiteti Ekzekutiv i Federatës së Futbollit të Kosovës ka konfirmuar të martën se Superliga e Kosovës në futboll në edicionin e ardhshëm do t’i ketë dhjetë skuadra. Kështu nga elita, ashtu si planifikohet për kohë të gjatë, do të largohen katër skuadrat e fundit.
Në edicionin e ardhshëm (2020\2021), do të largohen nga Superliga dy skuadrat e fundit. Dy skuadrat kampione në dy grupet e Ligës së Parë do të promovohen. Superliga do të luhet në sistem të katërfishtë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNë Ligën e Parë do të formohen dy grupe me nga dhjetë skuadra. Tri skuadrat në secilin grup do të largohen për në Ligën e Dytë.
Komiteti Ekzekutiv i FFK-së ka shqyrtuar edhe mundësinë e lejimit të formimit të skuadrave B nga klubet e Superligës.
“Mori vendim që t’iu lejohet klubeve të Superligës formimi i skuadrës B, që do të garojë maksimalisht dy rangje më ultë se ekipi i Superligës”, thuhet në njoftim.