Federata e Basketbollit të Kosovës ka dënuar kapitenin e Prishtinës Edmond Azemi me 300 euro, pasi kishte bërë pompa gjatë kohës që basketbollistët e Pejës merrnin medaljet pas finales në Kupën e Kosovës.
FBK vlerëson se veprimi i kapitenit prishtinas ishte mosrespekt ndaj kundërshtarit dhe ceremonisë dhe konsiderohet si veprim josportiv.
Ngjashëm është dënuar edhe kryetrajneri i Pejës Aleksandar Todorov që nuk kishte qëndruar në ceremoni kur Prishtina merrte medaljet e triumfit.
Në finalen e fundjavës, Prishtina fitoi Kupën e Kosovës për herë të 12-të.
