As për herën e dytë, ekipi i boksit të Kosovës, nuk është lejuar të hyjë në Serbi, për të marrë pjesë në Kampionatin Botëror të boksit, që nesër nisë në Beograd të Serbisë.
Pas konsultimeve mes KOK-ut, AIBA-s dhe Komitetit Olimpik Ndërkombëtar, dhe me rekomandim të AIBA-s, ekspedita e boksit u nis sonte drejt pikës kufitare në Merdarë, pa veshur uniformën me simbole tonat shtetërore, arsyetim që policia serbe e kishte gjetur në tentimin e parë në kufirin te “Dheu i Bardhë”.
Mirëpo, edhe pa simbole shtetërore në veshjet sportive, ekipi nuk u lejua të kalonte kufirin.
Sekretari i përgjithshëm i Federatës së Boksit të Kosovës, Latif Demolli, ka thënë për KOK-un se arsyetimi i policisë serbe ishte se delegacioni ynë ka hyrë në sistem dhe Qeveria e Serbisë nuk lejon hyrjen e tyre.
“KOK menjëherë ka njoftuar AIBA-n dhe KON-in për veprimin e Qeverisë serbe, të cilin e konsideron kryekëput politik dhe që tenton me çdo kusht t'ua mohojë garimin boksierëve tanë në Botëror”, thuhet në njoftim.
-
Boksierët e Kosovës nuk lejohen të hyjnë në Serbi
-
KOK-u dërgon ankesë në KON ndaj Serbisë pasi iu mohua boksierëve kosovarë pjesëmarrja në Botëror
-
Përpjekjet e Kosovës për të marrë pjesë në Botëror, në Serbi i vlerësojnë provokim
-
Boksierët kosovarë jashtë Botërorit të Beogradit, shpresohet në ndërhyrje të IOC-së e AIBA-s
-
Boksierët nisen edhe njëherë për në Serbi