Sigal Prishtina ka mësuar kundërshtarin në raundin e parë të Champions League, në basketboll.
Kryeqytetasit do të takohen me kampionin e Bjellorusisë, Smoki Minsk, dhe këto përballje e kundërshtarët e mëtejmë kapiteni i prishtinasve, Edmond Azemi, i ka vlerësuar shumë të vështira, transmeton Sporti në KTV.
Azemi që i dha fund aventurës së tij me Përfaqësuesen e Kosovës, duke u pensionuar nga kjo e fundit, një gjë të tillë nuk mendon ta bëjë me klubin aktual.
Kryeqytetasit ndeshjen e parë do ta luajnë në shtëpi, më 19 shtator, përderisa ndeshjen kthyese do ta zhvillojnë më 21 shtator në Bjellorusi.