Pas Juventusit, Real Madridit e Paris-Saint Germainit, edhe Newcastle Unitedi është futur në garë për transferimin e mesfushorit Paul Pogba.
Pogba pritet të largohet nga Manchester Unitedi në fund të këtij edicioni kur edhe i skadon kontrata, ndërsa Newcastle po mundohet ta shfrytëzojë këtë situatë për t’i siguruar shërbimet e tij.
Mësohet se krerët e ekipit anglez tashmë i kanë dërguar një ofertë të majme Pogbas për ta joshur pasi francezi tashmë ka refuzuar ofertën e Manchester Unitedit për rinovimin e kontratës.
28-vjeçari në 17 paraqitje këtë sezon ka shënuar një gol dhe ka bërë tetë asistime.