Përfaqësuesja e SHBA-së në basketboll për herë të parë nuk është më e ranguara në botë.
Në publikimin e fundit të ranglistës botërore, e para është Spanja.
FIBA e publikon ranglistën, ndërsa SHBA-ja ka qenë në krye prej se ajo është prezantuar në vitin 2010.
Pra Spanja bëhet vetëm përfaqësuesja e dytë që del në krye të ranglistës.
“Spanja ka kaluar nga pozita e dytë në pozitën e parë si rezultat i vazhdimësisë së saj në vitet e fundit, në secilën ndeshje dhe secilën garë. Spanja ka fituar titullin në Kupën e Botës 2019 dhe Eurobasket 2022 dhe po ashtu arriti në çerekfinale të Lojërave Olimpike të Tokios. SHBA-ja ndërkohë ka fituar të artën në Lojërat Olimpike, por u ndal në çerekfinale të Botërorit dhe u rendit e treta në AmeriCup”, ka arsyetuar FIBA ranglistën.
SHBA-ja i ka bindshëm lojtarët më të mirë në botë, por ata jo gjithnjë luajnë për përfaqësuese. Në ranglistën e publikuar të premten, Kosova ka mbetur e 79-ta.
-
Pse finalja e Botërorit është historike?
-
Për herë të parë katër përfaqësueset e para në ranglistë kualifikohen në gjysmëfinale
-
Asnjë lider i ranglistës nuk e ka fituar Botërorin
-
Kosova përfundon vitin në pozitën e 80-të në FIFA, Shqipëria në të 63-tën
-
Kosova bie për tetë pozita në ranglistën e FIBA-s