Sulmuesi i Juventusit, Paulo Dybala thuhet se kërkon të paguhet aq sa mbrojtësi qendror Matthijs de Ligt për të vazhduar kontratën me “Bianconerët”.
“Il Corriere dello Sport” raporton se “Zonja e Vjetër” ka hasur në disa vështirësi në negociata për vazhdimin e kontratës me argjentinasin.
Futbollisti i Argjentinës pajtohet ta vazhdojë kontratën, por vetëm nëse Juventusi ia ofron pagën e ngjashme me lojtarin më të paguar në klub.
27-vjeçari me Juventusin ka kontratë deri në qershor të vitit 2022. Ai pjesë e Juventusit është që prej vitit 2015.
