Seul, 3 nëntor – Koreja e Jugut dhe Koreja e Veriut vendosën sot të zhvillojnë diskutime me Komitetin Ndërkombëtar Olimpik (CIO) për të prezantuar një kandidaturë të përbashkët për Lojërat Olimpike verore 2032, sipas një komunikate të publikuar dje nga Seuli.
Përgjegjësit sportiv të dy vendeve, marrëdhëniet mes të cilëve janë shtensionuar ndjeshëm muajt e fundit, u takuan në kufij, në fshatin Panmuxhom dhe kanë vendosur t’i dërgojnë një letër CIO-së për të propozuar kandidaturën e përbashkët.
“Jugu dhe Veriut ranë dakord që të bisedojnë për çështje praktike me CIO-në dhe shoqata të tjera sportive për të krijuar ekipe të përbashkëta duke filluar nga Kampionati Botëror i Hendbollit për meshkuj 2019”, thuhet në këtë komunikatë.
Një projekt i tillë i përbashkët për organizimin e L.O. 2032 ishte përmendur edhe në shtator, me rastin e samitit të tretë ndërkorean në Phenian/ AFP.
-
Koreja e Jugut reagon për gafën në ceremoninë hapëse të Lojërave Olimpike
-
SHBA-ja e Koreja e Jugut të hapura të zgjerojnë aktivitetet ushtarake për ta ndaluar Korenë e Veriut
-
IOC-ja suspendon Korenë e Veriut deri më 2022
-
Koreja e Veriut nuk merr pjesë në Lojërat Olimpike
-
Indonezia kërkon organizimin e Lojërave Olimpike Verore 2032