Erlind Haaland është një ndër emrat më të kërkuar nga skuadrat evropiane.
Drejtuesit e Borussia Dortmundit po synojnë ta mbajnë sa më gjatë në skuadër talentin norvegjez. Madje shefi ekzekutiv i Dortmundit, Hans Joachim Watzke, e ka mohuar publikisht se lojtari ka një klauzolë lirimi prej 75 milionë eurosh.
“Nuk mund të konfirmoj se ka një klauzolë lirimi për Haalandin. Më shumë se 90% e kontratave të lojtarëve tanë janë pa klauzola”, deklaroi Watzke.
Për Haalandin interesim kanë shprehur skuadra si Real Madridi, Barcelona dhe PSG-ja.
Dortmundi për ta liruar lojtarin po kërkon mbi 100 milionë euro.
