Dortmundi ka konfirmuar se e ka kompletuar transferimin e qendërmbrojtësit të PSG-së, 17-vjeçarin Soumaila Coulibaly.
Lajmi është bërë i ditur nëpërmjet një komunikate të lëshuar nga “verdhezinjtë” të enjten gjatë ditës në faqen zyrtare të klubit.
“Mbrojtësi qendror i Francës, Soumaila Coulibaly do të luajë për klubin e Bundesligës, Borussia Dortmund, prej edicionit 2021/22. 17-vjeçari konsiderohet si njëri prej lojtarëve më premtues nga akademia e të rinjve të klubit elitar francez, Paris Saint-Germain”, shkruhet në njoftimin e Dortmundit.
