Bledar Devolli ka thënë se Drenica di të luajë futboll të mirë dhe ka parë gjëra pozitive te skuadra që ai drejton, pavarësisht disfatës 4:1 nga Prishtina në “Fadil Vokrri”.
“Të them të drejtën ky muaj ka qenë i vështirë dhe periudhë e vështirë sepse kemi problem t’i motivojmë lojtarët për stërvitje apo ndeshje. Dhamë shenja se dimë të luajmë futboll kur angazhohemi dhe luajmë futboll të mirë. Në pjesën e dytë bëmë ndryshime për të parë se kush mund të na shërbejë për edicionin tjetër. Të jesh lojtar i Drenicës për sezonin tjetër, duhet punë dhe sakrificë”, tha Devolli.
Drenica është përshëndetur më herët nga Superliga. Është hera e parë në histori që do të luajë në Ligën e Parë.
Artikuj të ngjashëm