Didier Deschamps ka folur rreth situatës së sulmuesit Kylian Mbappe.
Përzgjedhësi i Përfaqësueses së Francës ka bërë të ditur se ylli i skuadrës është i përqendruar të japë maksimumin në Kampionatin Evropian që nis të premten.
Deschamps ka insistuar se Mbappen nuk po e shqetësojnë aspak spekulimet rreth të ardhmes së tij.
“Ai është i fokusuar të japë më të mirën në Kampionatin Evropian. Nuk është aspak i shqetësuar me spekulimet rreth të ardhmes së tij. Ai është i përqendruar me ekipin e Francës”, ka deklaruar Deschamps.
Franca llogaritet favorite në Euro 2020. “Gjelat” në vitin 2018 e fituan Kampionatin Botëror.
Franca është në grup me Gjermaninë, Portugalinë dhe Hungarinë.
Artikuj të ngjashëm