Amerikanët West McKennie dhe Sergino Dest dhe meksikanët Cesar Montes e Gerardo Arteaga, janë suspenduar nga liderët e CONCACAF-it pas përleshjes që patën në gjysmëfinale të Ligës së Kombeve mes Shteteve të Bashkuara të Amerikës dhe Meksikës.
Mesfushori McKennie është dënuar me katër ndeshje suspendim, ndërsa Desti me tri të tjera, për përleshjen e ndeshjes së 15 qershorit.
Mbrojtësi meksikan Montes po ashtu ka marrë suspendim me katër ndeshje, kurse Arteaga është dënuar me tri të tjera.
Ndeshjen në fund e fitoi SHBA-ja me rezultatin 3:0.
Montesit iu tregua kartoni direkt i kuq pas ndërhyrjes në Folarin Balogunin, ndërsa McKennie u përjashtua nga loja për shkak të sjelljes jo të mirë.
Edhe
Edhe Meksika me një futbollist më pak
Arteaga dhe Desti ishin përjashtuar pas një tjetër përleshje në ndeshjen e tensionuar, ku u dëgjuan edhe thirrje homofobike nga tifozët meksikanë, në drejtim të portierit amerikan, Matt Turner.
César Montes kicks out at Folarin Balogun and gets a red card. Things escalate and Weston McKennie is sent off too. ?
— CBS Sports Golazo ⚽️ (@CBSSportsGolazo) June 16, 2023
10 vs. 10 for the remainder of the match. pic.twitter.com/zkZe8nKDUe
