Është aktivizuar vetëm në minutën e 92-të, por Riola Xhemaili ka bërë hap të madh në karrierë të martën mbrëma. Ajo debutoi në përfaqësuesen A të Zvicrës, vend në të cilin vlerësohet prej lojtareve më të talentuara.
Zvicra arriti fitore të vështirë, 2:1, ndaj Belgjikës, në Thun. Ndeshja u takoi eliminatoreve për “Euro 2021”. Me fitore Zvicra ka dalë në vend të parë me 16 pikë, një më shumë se Belgjika.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoXhemaili ishte pjesë e një zëvendësimi taktik, për të humbur kohë kur presioni i belgeve ishte i madh ndaj portës helvetike.
Ajo kështu ka depërtuar në përfaqësuesen e një vendi të mbushur me futbollistë shqiptarë. Përfaqësueset e Zvicrës, njëjtë si skuadrat e këtij vendi, kanë plot lojtarë shqiptarë në përbërje. Zvicra jep edhe shumë reprezentues të Kosovës e disa të Shqipërisë. Tani në përbërje të Zvicrës A është edhe një lojtare shqiptare.
Xhemaili është ftuar për herë të parë në përfaqësuesen A të Zvicrës. Ndaj Kroacisë më 18 shtator nuk është aktivizuar, por ndaj Belgjikës u aktivizua.
Ishte më e reja, e grumbulluar te Zvicra për këto dy ndeshje. Sajti “srf.ch” ka shkruar se bëhet fjalë për njërën prej futbollisteve më të talentuara në Zvicër