Plejmejkeri amerikan Rashun Davis, është përforcimi më i ri i kampionit të Kosovës në basketboll, Golden Eagle Ylli.
Davis do të jetë pjesë e Yllit për sezonin 2021/22, ka njoftuar të shtunën ekipi nga Suhareka. Davis ka përvojë të madhe në Evropë, pasi ka bërë karrierë në Sllovaki, Sloveni, Hungari dhe edicionin e fundit ishte pjesë e skuadrës Shiroki nga Bosnjë e Hercegovina.
Davis është përforcimi i dytë i huaj, dhe i katërti deri më tani te Ylli për sezonin e ri. Para tij, Ylli ka zyrtarizuar edhe Barret Bensonin, Ardit Pepajn e Mikaile Tmushiqin.
