David Luiz shpreson se mund të vazhdojë kontratën me skuadrën aktuale, Chelsea.
Mbrojtësi brazilian që nga ardhja e trajnerit Maurizo Sarri, ka qenë ndër pikat më të forta në fazën e mbrojtjes.
Vetë lojtari ka bërë të ditur se kanë nisur bisedimet me klubin.
“Jemi në bisedime dhe do të shohim çfarë do të ndodh. E dua këtë klub, dhe të gjithë e dinë që unë dua të qëndroj këtu”, u shpreh Luizi.
30-vjeçari është në vitin e fundit të kontratës së tij me “Blutë” e Londrës.
