Danimarka është kthyer në podium në Kampionatin Evropian për herën e parë që prej vitit 2014.
Të dielën, danezët triumfuan përballë Francës me rezultatin 35:32.
Ishte ndeshje që shkoi në vazhdime dhe u zhvillua në Budapest. Moment historik për skandinavët të cilët nuk kishin fituar asnjëherë përballë Francës në ndonjë ndeshje të Evropianit, në pesë ndeshjet e kaluara.
Pasi koha e rregullt përfundoi me rezultatin e barabartë 29:29, Rasmus Lauge dhe Jacob Holm bashkë me portierin Niklas Landin, udhëhoqën Danimarkën në fitore, pas vazhdimeve.
Lauge dhe Holm u dalluan me shënime, kurse Landin bëri katër pritje vendimtare.
Në ndeshjen e parë në rikthim pas katër takimeve ku mungoi për shkak të koronavirusit, Kentin Mahe e fitoi epitetin e lojtarit më të mirë të ndeshjes, pasi shënoi tetë gola dhe asistoi shtatë herë.
Në 26 gjysmëfinale të luajtura në të gjitha garat, Franca vetëm për herën e pestë përfundon në vendin e katërt.