Sacramento Kings e ka mposhtur skuadrën Los Angeles Clippers me rezultatin 176:175, në ndeshjen dramatike.
Pavarësisht se u shënuan 351 pikë, kjo ishte vetëm ndeshja e dytë në histori me më së shumti pikë të realizuar brenda një dueli të ligës NBA.
Malik Monk ishte koshashënuesi më i mirë me 45 pikë për Sacramenton, ndërsa bashkëlojtari i tij De’Aaron Fox, kontribuoi me 42 pikë në ndeshjen që shkoi dy herë në vazhdime. Ndeshja me më së shumti pikë të realizuar në NBA ishte ajo e vitit 1983, kur Detroit Pistons fitoi ndaj Denver Nuggets, 186:184.
Kawhi Leonard ishte koshashënuesi më i mirë te Clippersi me 44 pikë, ndërsa Russell Westbrook shtoi 17 pikë e 14 kërcime, por të pamjaftueshme për ta shmangur disfatën.
Milwaukee Bucks në ndeshjen tjetër e fitoi duelin e 13-të rresht, pas fitores 128:99 kundër Miami Heatit. Ylli i Bucksit, Giannis Antetokounmpo u zëvendësua pas lëndimit në gju në fund të çerekut të parë. Jrue Holiday shënoi 24 pikë në fitore.
Edhe
Durant regjistron rekord në NBA
Klay Thompson ishte më i displonuari për lojë në fitoren e Golden State Warriorsit ndaj Houston Rocekts, 116:101.
Thompson realizoi 12 herë nga vija për tri pikë, ndërsa në total pati 42 pikë të realizuara. “Luftëtarët” në këtë duel luajtën pa Stephen Curryn, Draymond Greenin dhe Andrew Wigginsin.
