Manchester City është kualifikuar në finale të EFL Cup duke e mposhtur në udhëtim Burtonin edhe në ndeshjen e dytë gjysmëfinale.
Skuadra e Pep Guardiolës këtë takim e fitoi me rezultat prej 0-1, transmeton Koha.net.
Ishte Kun Aguero ai që shënoi golin e vetëm në këtë takim pas asistimit nga Mahrezi.
Titullar në këtë përballje ishte edhe portieri i Kosovës, Arijanet Muriq.
City kualifikohet në finale të EFL Cup me rezultat të përgjithshëm prej 10-0, pasi ndeshjen e parë në shtëpi kishte fituar me rezultat prej 9-0.
Në finale City e pret fituesin e takimit Tottenham – Chelsea.
Artikuj të ngjashëm