Chelsea pritet të shitet deri në fund të muajit

Një firmë amerikane e investimeve e ngarkuar me shitjen e Chelseat pret që shitja eventuale e klubit londinez mund të ndodhë deri në fund të muajit pas bisedimeve pozitive me qeverinë e Mbretërisë së Bashkuar.

Qeverisë do t'i duhet të lëshojë një licencë të re që klubi mund të shitet, pasi pronari Roman Abramovich u sanksionua javën e kaluar. Qeveria lëshoi një licencë të veçantë për të lejuar klubin të vazhdojë të funksionojë pas ngrirjes së aseteve të Abramovichit, duke përmendur lidhjet e tij me presidentin rus Vladimir Putin. Megjithatë, sipas kushteve origjinale të licencës, klubi nuk mund të shitet.

Afati i fundit për oferta është shtyrë deri të premten, 18 mars, me më shumë se 20 palë interesuara. Çdo shitje do të duhet të plotësojë përcaktimet sipas licencës së re, e cila do të lëshohet sapo të vijë në pah një blerës i preferuar.

Të gjitha palët janë të interesuara që shitja e Chelseat të ndodhë sa më shpejtë që të jetë e mundur, duke pasur parasysh se londinezë paguajnë mbi 30 milionë euro paga mujore dhe licenca e qeverisë ka ndalur në mënyrë efektive të ardhurat nga shitja e biletave për ndeshje. E bazuar në këtë, Chelsea është në një situatë të vështirë financiare.