Mason Mount mund të largohet nga Chelsea këtë verë, por vetëm nëse ekipi londinez merr një ofertë të majme për mesfushorin.
“The Sun” shkruan të hënën se Chelsea për kartonin e Mountit po kërkon hiç më pak se 80 milionë euro, duke pasur parasysh se mesfushori është i vendosur të largohet këtë verë nga ekipi.
Për 24-vjeçarin interesim të madh ka shprehur Manchester Unitedi, ekip që thuhet se ka arritur marrëveshje personale me futbollistin.
Mirëpo, kërkesa e lartë e Chelseat ka bërë që transferimi i tij të mbetet i bllokuar. Unitedi ka ofruar deri në 50 milionë euro për Mountin, i cili ka kontratë me Chelsean deri në vitin e ardhshëm. Edicionin e fundit, Mount pati 3 gola e 6 asistime në të gjitha garat.
Artikuj të ngjashëm