Çekia ka emëruar të dielën një skuadër të improvizuar të përbërë nga fytyra të reja dhe lojtarë me përvojë për ndeshjen e të hënës në Ligën e Kombeve kundër Skocisë, pasi lojtarët e skuadrës që mposhti Sllovakinë të premten u goditën nga koronavirusi.
Çekia fillimisht mendoi të anulonte ndeshjen me Skocinë, pasi edhe anëtari i dytë në skuadrën e grumbulluar ndaj Sllovakisë rezultoi pozitiv me koronavirus.
Mirëpo, pas diskutimeve me UEFA-në, vendosi të grumbullojë një skuadër të re për ndeshjen ndaj Skocisë.
Ndeshja do të luhet në qytetin Olomuc pa shikues.
Skuadra e re përbëhet nga lojtarë nga klubet çeke, ku për shumicën do të jetë ndeshja e parë me përfaqësuese. Tre nga ta janë 17-vjeçar.
Po ashtu është ftuar edhe mbrojtësi 36-vjeçar Roman Hubnik, që së fundi ka luajtur me përfaqësuese në vitin 2016, dhe sulmuesi Stanislav Tecl, që i ka pesë ndeshje me përfaqësuese.
Edhe
Çekia shpall listën finale menjëherë pas ndeshjes me Kosovën
Skuadrën do ta drejtojë trajneri i U-18 të Çekisë, David Holoubek.
Gjithë lojtarët e rinj kanë rezultuar negativë në testet për COVID-19, ka thënë zëdhënësi i federatës.
Çekia mposhti 3:1 Sllovakinë në ndeshjen e të premtes në Ligën e Kombeve.
