Mesfushori William Carvalho do të largohet nga Real Betisi gjatë kësaj vere, ka bërë të ditur “Marca” të mërkurën. Carvalho ka refuzuar rinovimin e kontratës me ekipin spanjoll që i skadon vitin e ardhshëm, pasi dëshiron që karrierën ta vazhdojë diku tjetër.
Ai ka njoftuar klubin për vendimin e tij dhe te Betisi po mirëpresin ofertat për portugezin. Për ta lënë të lirë Carvalhon, Betisi po kërkon rreth tetë milionë euro. 30-vjeçari pritet që karrierën ta vazhdojë në Angli pasi ka skuadra të interesuara për transferimin e tij.
Carvalho në 49 ndeshje ka shënuar katër gola dhe ka bërë pesë asistime. Ai është pjesë e Betisit prej vitit 2018 kur iu bashkua nga Sportingu.
