Milwaukee Bucks e ka siguruar vendin e parë në Konferencën e Lindjes për fazën e plejofit, pasi shënoi fitore ndaj Chicago Bullsit.
Bucks ishte pa Giannis Antetokounmpon që vuan nga një lëndim i gjurit, ndërsa gjatë ndeshjes e humbi edhe Khris Middletonin.
Pavarësisht këtyre mungesave, Bucksi nuk gaboi dhe fitoi me rezultatin 105:92.
Vendi i parë në Konferencën e Lindjes do të jetë avantazh për këtë skuadër në serinë e plejofit që nis javën tjetër.
Boston Celtics e zuri vendin e dytë pasi fitoi ndaj Toronto Raptors, 97:93, pavarësisht se në radhët e veta nuk pati basketbollistët Jayson Tatum, Marcus Smart dhe Al Horford.
Edhe
Pacersi fiton ndaj Bucksit, shkëlqen Haliburton
Malcolm Brogdon erdhi nga banka rezervë dhe shënoi 29 pikë.
Në Konferencën e Perëndimit, New Orleans Pelicans mposhti Memphis Grizzliesin 138:131, për të zënë një vend në turneun e plejofit.
Gjashtë vendet e para shkojnë direkt në plejof, kurse dy skuadrat tjera u bashkohen atyre pas turneut me katër skuadra, nga vendi i shtatë deri në vendin e dhjetë.
Dallas Mavericks fitoi ndaj Sacramento Kingsit, 123:119.
Kyrie Irving shënoi 31 pikë, Luka Donçiq pati 29 pikë, ndërsa Tim Hardaway Jr. shtoi 24 pikë në fitoren e Dallasit që barazohet me vendin e dhjetë në tabelë, Oklahoma City Thunderin.
Edhe
Brooklyn Netsi fiton dhe siguron plejofin
Los Angeles Clippersi i afrohet edhe më shumë zonës së plejofit pasi mposhti Los Angeles Lakersin 125:118, për fitoren e 11-të rresht ndaj rivalit lokal.
Të dyja ekipet kanë shansin për ta zënë vendin që dërgon direkt në plejof.
Në Konferencën e Lindjes, Brooklyn Netsi është në vendin e gjashtë pasi fitoi ndaj Detroit Pistons, 123:108. Netsit i duhet vetëm edhe një fitore nga dy ndeshjet e fundit, apo një disfatë e Miami Heatit, për ta siguruar vendin e gjashtë.
Immanuel Quickley, Quentin Grimes dhe Obi Toppin, u bënë treshja e parë e New York Knicks që shënuan 30 e më shumë pikë brenda një ndeshjeje, në më shumë se 44 vjet.
Këtë sukses ata e shënuan në fitoren ndaj Indiana Pacersit, 138:129.
Edhe
Milwaukee Bucks, skuadra e parë që kualifikohet në plejof
Quickley shënoi 39 pikë, Grimes 36 dhe Toppin 32.
Knicks është në vendin e pestë dhe tashmë e ka të sigurt vendin në plejof.
