Armando Broja ka qenë titullar në fitoren e Chelseat të shtunën dhe luajti deri në minutën e 62-të.
Broja dhe Chelsea në fund morën pikët e plota në udhëtim te Lutoni me rezultatin 3:2.
Ndeshja i ka takuar xhiros së 20-të të Premier Leagues angleze.
Cole Palmer shënoi dy gola për mysafirët ndërsa një tjetër e realizoi Noni Madueke, me asistim të Palmerit.
Palmeri shënoi në minutën e 12-të, asistoi në minutën e 37-të, dhe për 3:0 realizoi 20-të minuta para fundit.
Vendësve iu anulua një gol në minutën e 74-t, ndërsa gjashtë minuta më vonë, Ross Barkley realizoi për 3:1.
Për 3:2 shënoi Elijah Adebayo, por skuadra e tij nuk pati më forcën që të barazonte rezultatin.
Chelsea pas 20 ndeshjeve të luajtura ka 28 pikë dhe zë vendin e 10-të. Lutoni është i 18-ti me 15 pikë në 19 ndeshje të luajtura.