Sulmuesi i ri shqiptar Armando Broja është duke gëzuar një formë shumë të mirë.
Broja sonte realizoi një gol të bukur në fitoren 4:1 të Southamptonit në Premier League ndaj Brentfordit.
Për 20-vjeçarin është goli i pestë në Premier League, ndërsa i ka edhe dy tjerë në Kupë. Ai është huazuar te Southamptoni nga Chelsea. Pas ndeshjes Broja për BBC-në ka thënë se po e shijon futbollin.
“Natë e jashtëzakonshme, të luajë në një atmosferë kaq të mirë në shtëpi. Ishte performancë e madhe nga fillimi deri në fund. Nuk kam mundur të kërkojë më tepër. Përgëzime Oriolit (Romeu) për pasimin shumë të mirë. Po shkon mirë, jam duke tentuar të jem i përqendruar dhe të mos mendoj tepër. Me rëndësi për mua të qëndroj me këmbë në tokë dhe të vazhdoj ta ndihmoj skuadrën sa më tepër të jetë e mundur. Të vijë nga liga e Holandës në Premier League ishte hap i madh. Është dashur të mësoj shpejt se si është Premier League. Është e jashtëzakonshme, është liga më e fortë në botë, kështu që është e vështirë, por djelmoshat me përvojë më kanë ndihmuar mua dhe më kanë ndihmuar të adaptohem. Po e shijoj futbollin për momentin”, ka thënë Broja për BBC.
Trajneri i Southamptonit, Ralph Hasenhuttl, ka thënë se Broja po i ndihmon lojës së tij.
“Sot ka treguar se sa i rrezikshëm mund të jetë për kundërshtarët dhe ai ndihmon shumë lojën tonë”, ka thënë Hasenhuttl.
Edhe
Te Southamptoni presin që Broja t’i ndihmojë me gola deri në fund të edicionit
Për formën e Brojës, Hasenhuttl thotë se nuk është i befasuar.
“Nuk është befasi për mua. Ai është i shpejt dhe është fantastik në konkretizim të rasteve. Ka shumë armë që definitivisht po na ndihmojë. Lojtarëve të rinj u duhet kohë për t’u adaptuar në Premier League dhe e dinin se do të ishte fillim i vështirë, por ai po përmirësohet me çdo ditë”, ka thënë Hasenhuttl.
