Mesfushori maroken Sofiane Boufal nuk do të jetë në gjendje ta ndihmojë Southamptonin në fundjavë, pasi ka lënduar gishtin e këmbës në tavolinë të bukës, raportoi BBC-ja të enjten.
Southamptoni nuk ka fituar në tetë ndeshjet e fundit në ligë. Kryetrajneri Ralph Hasenhuttl ka konfirmuar lëndimin e Boufalit, transmeton Koha Ditore.
“Ai nuk ka mundur të stërvitet për tri ditë dhe gishtin e këmbës e ka ende të ënjtur. Ai ka goditur tavolinën në shtëpi”, ka thënë Hasenhuttl.
“Do të jetë e vështirë të luajë këtë fundjavë”. Boufal ka luajtur dhjetë nga 13 ndeshjet në ligë këtë stinor.
Artikuj të ngjashëm