Mbrojtësi Leonardo Bonucci, përfundimisht do ta vazhdojë karrierën në Bundesligë. Ai do të largohet nga Juventusi për t’u transferuar te skuadra e Union Berlinit. Mediumet gjermane kanë raportuar të enjten se
Bonucci ka arritur marrëveshje me ekipin gjerman, tek i cili do të prezantohet të premten. 26-vjeçari tek Union Berlini do të transferohet si lojtar i lirë, pasi do ta shkëpusë kontratën me Juventusin që i skadon vitin e ardhshëm. Me Union Berlinin, ekip që do të paraqitet në Ligën e Kampionëve, Bonucci do të firmos kontratë njëvjeçare me opsionin e vazhdimit edhe për një vit tjetër. Për Bonuccin, ky do të jetë edicioni i parë jashtë Italisë, ku ka luajtur edhe për Interin e Milanin. Ai në total ka fituar 9 tituj kampioni në Serie A dhe u largua nga Juventusi pasi nuk bënte pjesë në planet e klubit.
