Ylli i atletikës, Usain Bolt është testuar pozitiv për koronavirus vetëm pak ditë pasi ka festuar me mysafirë të shumtë ditëlindjen e tij të 34-t në Xhamajka. Kjo është bërë e ditur të hënën nga mediat e këtij vendi.
Sprinteri më i madh i të gjitha kohërave ka pranuar rezultat pozitiv dhe do të qëndrojë në izolim për një kohë.
Në festën për nder të ditëlindjes së Boltit ishin të pranishëm edhe yje të futbollit si Raheem Sterling e Leon Bailey. Pamjet kanë treguar se Bolt ka vallëzuar me mysafirët e tij, pa respektuar ndonjë masë në luftë ndaj COVID-19.
Bolt, fitues i tetë medaljeve të arta olimpike, ka thënë se ishte ditëlindja e tij më e mirë ndonjëherë.
