Trajneri aktual i Paris Saint-Germainit, Mauricio Pochettino, ka gjasa të mëdha që sezonin e ardhshëm të punojë në Spanjë. “L’Equipe” ka zbuluar të martën se Pochettino ka marrë ofertë zyrtare nga Athletic Bilbao.
Klubi bask po e sheh Pochettinon si zëvendësues ideal për trajnerin Marcelino Garcia Toral, i cili pritet të largohet në fund të sezonit.
Thuhet se Bilbao i ka ofruar atij kontratë trevjeçare me mundësinë e vazhdimit edhe për një vit tjetër. Pochettino, i cili ka qenë më herët trajner i Espanyolit, pritet të shkarkohet nga krerët e ekipit francez në fund të sezonit edhe pse ka kontratë deri në verën e vitit të ardhshëm.
