Karim Benzema po vazhdon me paraqitje impresive dhe me gola vendimtar. Francezi të dielën mbrëma shënoi në minutën e 92-të për t’ia dhënë fitoren Realit në ndeshjen derbi ndaj Sevillas. Sevilla ishte vendase në derbin e xhiros së 32-të të La Ligas dhe kishte epërsi prej 2:0.
Por kjo nuk mjaftoi.
Ivan Rakitiq kaloi në epërsi Sevillan me gol të bukur të shënuar në minutën e 21-të. Për 2:0 realizoi Erik Lamela në minutën e 25-të.
Skuadra madrilene u kthye në pjesën e dytë. Rodrygo shënoi fillimisht në minutën e 50-të për 2:1. Shifrat në 2:2 i barazoi rezervisti tjetër, Nacho Fernandez. Në dy golat e parë asistoi Daniel Carvajal.
Kur pritej që ndeshja të përfundoi 2:2, në skenë doli Benzema.
Edhe
Sevilla siguron mbijetesën pavarësisht humbjes nga Reali
Rodrygo shpërtheu në zonë dhe gjeti para portës sulmuesin francez. Ndonëse kishte disa lojtarë para, Benzema gjeti rrugën për ta dërguar topin në rrjetë për 3:2.
Me fitore, Reali është përforcuar në pozitën e parë. I ka 75 pikë nga 32 ndeshje. Barcelona është e dyta me 60 pikë nga 30 ndeshje. 60 pikë i ka edhe Sevilla në pozitën e tretë, por nga 32 ndeshje, njëjtë si Atletico Madridi.
