Andrea Belotti karrierën mund ta vazhdojë në Kanada. Sulmues italian nuk ka pranuar vazhdimin e kontratës me Torinon dhe gjatë verës do të largohet si futbollist i lirë.
Interesim për Belottin ka shprehur skuadra e Torontos. Kanadezët do të nisin bisedimet me sulmuesin për ta bindur të transferohet.
Sipas “Corriere dello Sport”, drejtuesit e Torontos do t’i ofrojnë pagë të lartë lojtarit.
Toronto javë më parë siguroi shërbimet e Lorenzo Insignes nga Napoli.
