Mesfushori kosovar Valon Behrami do të largohet në fund të sezonit nga Genoa.
Mediat italiane kanë raportuar të premten se Behrami nuk do ta vazhdojë kontratën me klubin nga Serie A që i skadon muajin tjetër.
Madje thuhet se 36-vjeçari është duke e menduar t’i japë fund karrierës si futbollist profesionist.
Behrami këtë edicion në Serie A me Genoan ka regjistruar 23 ndeshje. Ai karrierë ka bërë edhe te skuadra, si Sioni, Udinese, Watfordi, Napoli, Fiorentina, West Hami dhe Lazio.
