Kampioni i Gjermanisë, Bayern Munichu, edhe zyrtarisht është përshëndetur me Joao Cancelon dhe Daley Blindin.
Lajmi është bërë i ditur të premten nga faqja zyrtare e klubit.
“Faleminderit për përkushtimin tuaj, Joao Cancelo dhe Daley Blind. Të gjitha të mirat për ju në të ardhmen”, ka shkruar Bayerni.
Të dy futbollistët fituan kampionatin gjerman me bavarezët.
Cancelo u huazua nga Manchester City në afatin kalimtar të dimrit dhe Bayerni nuk e ka shfrytëzuar opsionin e blerjes së 29-vjeçarit. Ai pati një gol të shënuar e gjashtë asistime.
Blind ndërkohë zhvilloi vetëm pesë ndeshje për Bayernin pasi u transferua nga Ajaxi i Amsterdamit në dimër.
