KB Bashkimi është kualifikuar në finale të “play-offit” në basketbollin kosovar.
Klubi nga Prizreni ishte suprem ndaj Rahovecit në të tria ndeshjet, transmeton Koha.net.
Bashkimi e fitoi përballjen e sotme me rezultat prej 91-106.
Për Bashkimin kjo është finalja e tretë këtë edicion, pas finales së Kupës së Kosovës dhe Ligës Ballkanike, të cilat i kishte humbur.
Rivalin e finales mund ta mësojë nesër, nëse Prishtina e mposht Yllin në Suharekë, pasi klubi nga kryeqyteti udhëheq 2-0.
