Baseli nuk pret të ketë shumë topin kur të përballet me Manchester Cityn të martën mbrëma në ndeshjen e parë të 1/8 së finales të Ligës së Kampionëve. Dhe kur të ketë topin në pronësi, atëherë nuk duhet ta çojë dëm. Kështu ka thënë trajneri i Baselit, Raphael Wicky.
Wicky ka pranuar se lideri i Premier Leagues së Anglsië në futboll do të dominojë në posedim, por prapë beson se skuadra e tij mund të përsërisë atë befasi dhe të triumfojë siç kishte bërë ndaj Manchester Unitedit në dhjetor në fazën e grupeve, shkruan Koha Ditore.
"Ne nuk do të kemi 50 apo 60 për qind posedim, asnjë skuadër nuk e ka një posedim të tillë kundër Manchester Cityt. Ne duhet të jemi vërtet kompakt, duhet të provojmë dhe të përdorim topin kur e kemi dhe mos të bëjmë gabime. Nëse vazhdojmë të humbasim topin, atëherë do të jetë shumë e vështirë", ka thënë Wicky në konferencë për media.
Wicky e di se Baseli është autsajder dhe se do t'i duhet një mbrëmje perfekte për të befasuar Manchester Cityn e Pep Guardiolas... (Më gjerësisht lexoni në Koha Ditore)
