Lionel Messi u suspendua për dy ndeshje të martën pasi e qëlloi një kundërshtar sa ishte në vrapim e sipër në finalen e Superkupës së Spanjës.
Ai do t’i mungojë Barcelonës për duelin kundër ekipit që bën gara në rangun e tretë të futbollit spanjoll.
Argjentinasi nuk do të luajë kundër Cornellas në Kupën e Mbretit si dhe kundër Elches në elitën e futbollit spanjoll të dielën.
Messi do të mungonte edhe nëse nuk do të ishte i suspenduar pasi një gjë të tillë e kishte bërë të ditur vetë trajneri Ronald Koeman. Ai kishte thënë se minutat e Messit në fushë duhet të kontrollohen, në mënyrë që t’i shmangë dëmtimet serioze.
