Skuadra e Barcelonës është futur në garë për shërbimet e Jorginhos, ka njoftuar “Mundo Deportivo” të enjten. Për transferimin e mesfushorit të Italisë, Barcelona po e sfidon Juventusin, ekip që gjithashtu është i interesuar për transferimin e tij.
Jorginho pritet të largohet nga Arsenali në afatin kalimtar të janarit dhe ekipi anglez është i gatshëm ta lërë të lirë për 10 milionë euro.
31-vjeçari nuk bën pjesë në planet e trajnerit Mikel Arteta, ndërsa me Arsenalin ka kontratë deri në verën e vitit të ardhshëm.
Këtë edicion Jorginho ka vetëm 32 minuta lojë në të gjitha garat për Arsenalin, ekip të cilit iu bashkua në fillim të këtij viti nga Chelsea.
Artikuj të ngjashëm