Barcelona duket se do ta mbyllë sezonin pa trofe, pasi u eliminua në çerekfinale të Ligës së Evropës nga Eintracht Frankfurti, shkruan “AS”.
Skuadra e Xavi Hernandez u mposht pas një serie prej 15 ndeshjeve pa humbje.
Klubi spanjoll ka mbetur prapa edhe në luftën për titullin e kampionit në La Liga.
Katalunasit janë në pozitën e dytë me 60 pikë, 12 më pak se Real Madridi që kryeson renditjen.
Barça gjithashtu është eliminuar edhe nga Liga e Kampionëve, Superkupa e Spanjës derisa është mposhtur edhe në Kupën e Mbretit nga Athletic Bilbao.
