Barcelona do ta kërkojë fitoren e radhës në La Liga, për të ecur sigurt drejt titullit kampion në Spanjë.
Skuadra e drejtuar nga trajneri Ernesto Valverde, në “Camp Nou” do ta presë Rayo Vallecanon, të shtunën nga ora 18:30.
Katalunasit pritet të hyjnë me ndryshime në këtë takim, pasi të mërkurën luajnë ndeshjen e dytë kthyese në Ligën e Kampionëve, ndaj Lyonit.
Megjithatë, treshja e sulmit për këtë takim pritet të jetë e zakonshmja Messi, Suarez dhe Dembele, ndërsa Coutinho, mund ta nis ndeshjen nga minuta e parë, transmeton KTV.
Barcelona në këtë takim hyn pas fitores në “El Clasico” dhe llogaritet favorit përballë Vallecanos, që renditet në pozitën e 19-të në La Liga.
Për dallim nga Barcelona, Real Madridi është duke kaluar në krizë të rezultateve.
Edhe
Barcelona synon ta japë “goditjen” përfundimtare për titull
Humbja në “El Clasicon” e fundit dhe eliminimi nga Ajaxi në Ligën e Kampionëve, pritet ta shkarkojnë trajnerin Santiago Solari.
Për argjentinasin, thuhet se ndeshja në udhëtim te Valladolidi, pritet të jetë e fundit si trajneri i Real Madridit.
Momentet e vështira në të cilat janë duke kaluar lojtarët madrilenë do të synojnë t’i shfrytëzojnë lojtarët e Valladolidit, që synojnë befasinë në shtëpi ndaj “Mbretërve”.
