Barcelona e ka fituar ndeshjen e xhiros së 33-të të La Ligës spanjolle.
Të enjten mbrëma, Barcelona fitoi në udhëtim te Real Sociedadi me rezultatin 1:0.
Golin e vetëm në këtë ndeshje e shënoi Pierre-Emerick Aubameyang në minutën e 11-të. Pas një aksioni të gjatë, sulmuesi nga Gaboni shënoi me kokë pas harkimit të Ferran Torresit.
Për Aubameyangun, ishte goli i 11-të i shënuar me fanellën e Barcelonës në 14-të ndeshjet e fundit.
Adnan Januzaj te Sociedadi luajti deri në minutën e 87-të.
Edhe
Barcelona fiton dhe bëhet lidere në La Liga
Me këtë fitore, Barcelona barazohet me pikë me Sevillan, nga 63 secila, por “Blaugrana” e ka një ndeshje më pak të luajtur.
Sociedadi është në vendin e gjashtë me 55 pikë, në 33 ndeshje të luajtura.
