Atletico Madrid është pajtuar të paguajë 40 milionë euro për Atoine Griezmannin, raporton “El Desmarque” të hënën.
Aletico ka mundësinë e aktivizimit të klauzolës për blerje nga Barcelona. Griezmann është i huazuar te Atletico nga Barcelona.
Sulmuesi francez është kthyer në kryeqytetin spanjoll në vitin 2021 dhe ka treguar formë të mirë, sa që ka bindur drejtuesit e Atleticos ta paguajnë klauzolën e vendosur nga Barcelona.
31-vjeçari me Barcelonën ka kontratë deri në qershor të vitit 2024. Ai këtë edicionin ka shënuar tetë gola dhe ka asistuar pesë herë në 28 paraqitje në të gjitha garat.
