Atletico Madridi e ka fituar në minutën e fundit ndeshjen ndaj Espanyolit, me shifrat 2:1. Atletico shënoi golin e fitores në minutën e 97-të nga penalltia.
Yannick Carrasco shënoi nga pika e bardhë. Arbitrit Jorge Figueroa iu desh ndihma e VAR-it për të konfirmuar penalltinë, të cilin në gol e shndërroi Carrasco.
Carrasco shënoi edhe golin e epërsisë në minutën e 52-të, ndërsa golin e vetëm për Espanyolin e realizoi Raul de Tomas në minutën e 74-t.
Me këtë fitore, Atletico ka mbetur në pozitën e katërt me 60 pikë, sa i ka edhe Sevilla dhe Barcelona që ndodhen më lartë në tabelë.
