Policia në Buenos Aires ka ndaluar tre autobusë dhe ka arrestuar disa anëtarë të tifozëve të skuadrës së River Plates të cilët po udhëtonin drejt Saltas. Një numër i madh i armëve dhe drogave u konfiskuan.
Tifozët po udhëtonin për ndeshjen që River Plate do ta luajë kundër Laferreres në kuadër të Kupës së Argjentinës.
Operacioni përfundoi me 13 të arrestuar, përfshirë edhe liderin e tyre. Policia ka gjetur gjashtë thika, mjete të forta, dy armë dhe afër dy kilogramë mariuhanë.
Pavarësisht operacionit të policisë, shumë prej tifozëve u liruan dhe u lejuan të udhëtonin drejt Saltas.
