Ylli i Hereenvenit dhe i përfaqësueses së Kosovës, Arbër Zeneli, është shpallur futbollisti më i mirë i Kosovës për vitin 2018 nga Federata e Futbollit e Kosovës.
Ai ishte lojtari më efikas për Kosovën në Ligën e Kombeve, si dhe i pari që realizoi hat-trick për Kosovën.
Xhevdet Shabani, lojtari i Dritës, është shpallur futbollisti më i mirë i Superligës. Ai u zgjodh nga votat e 20 redaksive të sportit në Televizionet, Radiot, Gazetat dhe Portalet.
Për sukseset me Dritën, trajneri më i mirë është shpallur Bekim Isufi.
Betim Haxhimusa, Alban Shillova dhe Kastriot Rexha kanë ndarë çmimin për golashënuesin më të mirë të Superligës, me nga 13 gola.
Formacioni i Vitit:
Portier: Visar Bekaj (Prishtina)
Mbrojtës: Armend Thaçi (Prishtina), Yll Hoxha (Feronikeli), Armend Dallku (Prishtina), Hamdi Namani (Llapi)
Mesfushorë: Festim Alidemaj (Llapi), Xhevdet Shabani (Drita), Mendurim Hoti (Feronikeli)
Sulmues: Kastriot Rexha (Feronikeli), Leotrim Bekteshi (Prishtina), Endrit Krasniqi (Drita)
