Arbenit Xhemajli është shumë afër kalimit te Sunderlandi në Angli.
Pas disa ditësh të kaluara në prova te skuadra angleze pritet nënshkrimi i kontratës.
Gazetari i “Sky Sports”, Keith Downie, ka shkruar se trajneri i Sunderlandit, Phil Parkinson, shpreson që ta forcojë mbrojtjen me futbollistin kosovar për sezonin e ri.
Nëse Sunderlandi, që garon kategorinë e tretë të futbollit anglez, e dëshiron Xhemajlin për ndeshjen e Kupës kundër Hull CItyt, atëherë duhet t’i dorëzojë dokumentet deri të premten pasdite.
22-vjeçari ka qenë pjesë e Xamaxit që nga viti 2017. Shtatlarti është pjesë e Kosovës dhe ishte në listën e U21 për duelin ndaj Anglisë, si dhe mori ftesë edhe për ndeshjen e Kosovës kundër Greqisë, por shkaku i angazhimit me Sunderlandin nuk u është bashkuar “dardanëve”.